ന്യൂഡൽഹി: അമേരിക്കയിലേക്ക് അനധികൃതമായി കുടിയേറാൻ ശ്രമിക്കുന്നതിനിടെ കഴിഞ്ഞ ഒരു വർഷത്തിനിടെ പിടിയിലായത് 29 ലക്ഷം പേർ. 2023 സെപ്റ്റംബർ 30 മുതൽ 2024 ഒക്ടോബർ ഒന്നു വരെയുള്ള കണക്കാണിത്. പിടിയിലായവരിൽ 90,415 പേർ ഇന്ത്യക്കാരാണ്.
ഇവരിൽ 50 ശതമാനം പേരും ഗുജറാത്തിൽനിന്നുള്ളവർ. മെക്സിക്കോ, കാനഡ തുടങ്ങിയ രാജ്യങ്ങൾ വഴിയാണ് അമേരിക്കയിലേക്ക് കടക്കാൻ ശ്രമം നടത്തിയത്. 2023ൽ അമേരിക്കയിലേക്ക് അനധികൃത കുടിയേറ്റത്തിന് അറസ്റ്റിലായവർ 32 ലക്ഷമായിരുന്നു. ഇതിൽ ഇന്ത്യക്കാരുടെ എണ്ണം 96,917. അനധികൃത കുടിയേറ്റക്കാരെ തടയാൻ യുഎസ് നിരീക്ഷണം ശക്തമാക്കി.
